منتدى الفرح المسيحى - يوسف عاش قصته مع الله

https://upload.chjoy.com/uploads/166154339001581.jpg

ماذا لو.. يوسف كان عايش في وقتنا ده؟!!!
كانت السوشيال ميديا هاتتقلب عليه، وتتكلم عن اللي حصل الجرايد
والبرامج التلفزيونية، والناس تحكي عن حادثة بشعة 10 إخوات رموا أخوهم في البير وباعوه
... _كانت حقوق الإنسان مش هاتسكت والناس اللي عندها ضمير كانوا هايفعلوا هشتاج
أنقذوايوسف أو يوسف_برئ
_أو يعملوا مسيرة سلمية يطالبوا فيها بخروج يوسف من السجن
ومحاكمة إخواته. كانت هاتختلف عليه الآراء مابين اللي هايلوم إخواته
ومابين اللي هايقول ده أكيد عمل حاجة غلط علشان كدا إخواته إتصرفوا معاه بالشكل ده..
لكن في الآخر كان هايتنسي زي ما حاجات كتير قوي إتنست
وحكايات أخدت وقتها وإندفنت مع الماضي
. لكن يوسف محدش من الناس وقف جنبه ...
وماتعملش علشانه الحاجات اللي فاتت دي ...
برغم كدا ماتنساش ولحد النهاردة وبعد ما عدت آلاف السنين لسة بنحكي عن يوسف.
... علشان يوسف عاش قصته مع الله
، وعلشان القصة مع الله فهي ليها شكل تاني
...القصة مكنتش في الزمن ...القصة في الله نفسه .
..إنك مهما كنت في أي وقت أو أي عصر إيمانك بالله هايغير أي حاجة ويخلي الواقع واقع تاني...✌️