منتدى الفرح المسيحى - انت مصاحب المشاكل

https://upload.chjoy.com/uploads/166141377406821.jpg

فكروا ف المشاكل كتيييير أوى و ضيعوا حياتكوا وانتوا غرقانين جوا مشاكلكوا..
بتتألموا وتتوجعوا..
وتعيدوا الذكريات ..
وكل مرة تفتكروا يزيد الضيق والخنقة اكتر من الأول ...😔

اللى حياتهم مملة وروتينها قاتل...
واللى العلاقة بينهم بقت مقطوعة والبيت مجرد لوكاندة بيبات فيها ناس كل علاقتهم ببعض انهم ساكنين بيت واحد..
واللى بيصحوا ويناموا على خناقات ومشاكل ما بتنتهيش
واللى بينكدوا على بعض بسبب ومن غير سبب...
واللى كرهوا الدنيا والجواز والعيال والعيشة واللى عايشينها..
واللى مخنوقين من العيال...وطلباتهم...ودوشتهم
مشاكل ..مشاكل ..مشاكل ملهاش اخرررر وشكلها كدا مبتخلصش..🤨

لييييييييييه مش هتخلص المشاكل!!!
ليه النيجاتيف اينرجى دى...!!!
مش هتخلص المشاكل ليه...!!!
اقولك مش هاتخلص ليه....؟؟؟

لانك مبتبطلش تفكير فيها...انت مصاحب المشاكل...مفرغ لها مساحة ف عقلك...مسكنها عقلك طول الوقت...مديها مشاعر اكتر من الناس اللى بتحبهم...بتتكلم عنها طول الوقت مع الناس اللى حواليك...

أيوه يعنى طب اعمل إيه...؟!!! ما دا الواقع اللى انا عايشه...!!!
تمام دا الواقع اللى انت عايشه وللأسف انت بترسخه وتحافظ عليه✋

الحل ببساطه انك تفكر ف الحل...الحل مش المشكلة..
للأسف فيه ناس ظبطت عقلها على التفكير ف المشاكل وبس.. وكأن المشاكل محطة أول ما نوصلها...نقعد بقى ونفرش وناكل ونشرب ونبنى بيت ونكمل حياتنا ف محطة المشاكل..🥺