منتدى الفرح المسيحى - وجوههم لم تخجل

https://upload.chjoy.com/uploads/166099039564541.jpg

انتصر داود قدام جليات المبارز اللي بيعايرهم لأنه قال "
أَنَا آتِي إِلَيْكَ بِاسْمِ رَبِّ الْجُنُودِ" "١صموئيل ١٧"😇😇

موسى لما قال للشعب ماتخافوش
قفوا وانظروا خلاص الرب وشق البحر قصادهم
لأنه كان واثق في خلاص الرب نفسه "خروج ١٤" 🌊🌊

لما تحالف ملوك كتير على يشوع، يشوع برضه
هو اللي انتصر لأنه مسنود على إلهه
اللي وعده إنه الرب هيدفعهم ليده. "يشوع ١١"💪🏻💪🏻

إيليا اللي صلاته وقفت المطر سنين، واللي وقف في مشهد مذهل قدام نار ذبيحته -اللي بيقبلها الله في استجابة فورية لصلاته- كان عشان إيمانه المُعلن في "حي هو الرب إلهي الذي أنا واقف أمامه".. "١ملوك ١٨"🙏🏻🙏🏻

بكل بساطة كل اللي بيتقدم باسمه بينتصر، بيكون مرفوع الراس، بيختبر قوة، بيعيش تحقيق الوعود، بينبهر بعجائبه💜💜..

النهاردة وأنت بتتبع الله صدق
👈🏻إن كل حد طلبه لقاه إله الأمانة عظيم الصنيع💜..
👈🏻كل واحد عينيه مرفوعة لفوق مستني وصابر ماكسفوش💜..
👈🏻كل حد في حرب وضيق ليه خلاص قريب💜..

ردد الوعد ده معانا:
"طَلَبْتُ إِلَى الرَّبِّ فَاسْتَجَابَ لِي، وَمِنْ كُلِّ مَخَاوِفِي أَنْقَذَنِي. نَظَرُوا إِلَيْهِ وَاسْتَنَارُوا، وَوُجُوهُهُمْ لَمْ تَخْجَلْ." (المزامير ٣٤: ٤، ٥)