منتدى الفرح المسيحى - مسلم ومسيحى / مايكل عياد

ترنيمه مسلم ومسيحى / مايكل عياد
الترنيمه للشاعر المبدع رمزى بشاره

قامت مجموعة من الأقباط المصريين بعمل ترنيمة خاصة للدفاع عن الوحدة الوطنية وضد الفيلم المسىء للنبى وقد أكدت المجموعة ان الترنية جائت لتكون المضاد للفتنة الطائفية .

وجائت كلمات الترنيمة كالأتى :

مسلم ومسيحى . مسيحى ومسلم
مسلم ومسيحى . مسيحى ومسلم

خالتى أم حسين قلت لى
بطاطس وبدنجان
وبصيت لى وقالت لى
إللى بيحصل ده جنان

ودى كلمة لازم نلغيها
مسلم ومسيحى . مسيحى ومسلم
مسلم ومسيحى . مسيحى ومسلم

فيها إيه لو أصلى الجمعة
وإنت تصلى القداس
يانهار شمسه مش طالعه
بيفَرَّقوا بين الناس

جِبَّة وقُفطان أو طرحة
أو تونية وفَرَّاجِيَّة
مالك إنت أمسِك سِبحَه
أو أدُق صليب فى إيديَّا

الدِّين لله يا أبو مِنَّه
هو وحده يحاسبنا
وإللى بيوقَّع بيننا
لو نفضل سوا هيسيبنا

جارك فى الضيق تلاقيه
فى المحنة يبان لك فضله
وإللى يوزك تعاديه
تحلق له وتنفضله

مين قال هتخالف دينك
لو عيدت على جيرانك
طب هات كده عينى فـ عينك
ركز فتح لى ودانك

إحنا زيتنا فى دقيقنا
إحنا روحين فى جسد واحد
إحنا من الفتنة زهقنا
وكفايه ربنا واحد

لو مسيحى بنى آدم
لو مسلم برضو كذلك
أنا وإنت ضيوف فى العالَم
والخالق وحده المالِك

روح هات ورقة وإتملى
وإكتب كلمة وذاكرها
لو شاء ربَّك كان خلى
أمة واحده مفيش غيرها

ولو شاء ربُّكَ لَجَعَلَ النَّاسَ أُمَّةً واحدَةً
سورة هود الآية 118
____________________

إن قالً أحد : إنى أُحب الله وأبغَض أخاه فهو كاذب
لأن من لم يُحب أخاه الذى أبصَرَهُ
كيفَ يقدر أن يُحبَّ الله الذى لم يُبصِرْه ؟
1 يو 4 : 20