منتدى الفرح المسيحى - ويعطيكم القوة

https://upload.chjoy.com/uploads/166030861132811.jpg

بتتكسف من غلطاتك؟!😞
بتقلق لما تشوف أنك فاشل قدام مقاييس الله؟!😥

ده طبيعي، لأن ببساطة عمرنا ماهنوصل أننا نتبع الله بشكل كامل👌🏻..

هنا لازم نفتكر الفيلبيين اللي كانوا بيطيعوا الرسول بولس
وقت ما كان معاهم، وحتى بعد ما مشي وسابهم،
فضلوا ثابتين على الإيمان والعدو ما قدرش يهزهم،
فضلوا يتقدموا في الجهاد💪🏻💪🏻💪🏻
الرسول بولس أكد لهم أن ثباتهم من الله،
مش بسبب وجوده هو معاهم وقال لهم "لأَنَّ اللهَ هُوَ الْعَامِلُ فِيكُمْ أَنْ تُرِيدُوا وَأَنْ تَعْمَلُوا مِنْ أَجْلِ الْمَسَرَّةِ." فيلبي٢: ١٣

احنا كمان وقت ما بنلاقي صعوبة في تنفيذ وصايا الله
لازم نفتكر أنه هو اللي هيدعمنا..

افسرهالك اكتر يا صديقي..
👈🏻لما تلاقي سكة الغفران صعبة عليك..
👈🏻لما تلاقي نفسك مش عارف تحب اللي أساء ليك..
👈🏻لما تلاقي نفسك مش قادر توقف علاقات معطلاك ..
👈🏻لما تلاقي عينك باصة عاللي مع غيرك ..
👈🏻لما تلاقي صورتك بعيدة عن صورته😞..

في كل المواقف دي وأكتر الله بيقولك:
(أنا مقدر شوق قلبك.. أنا اللي هاعمل فيك،
أنا قوتي هتكمل في الضعف..)💜
اتشجع👈🏻 انت مش ساقط انت مقام في المسيح🙏🏻💪🏻..

هتكون "الصورة الأفضل منك"☺️
ليه⁉️
لأن اللهُ هُوَ الَّذِي يَضَعُ فِيكُمُ الإرَادَةَ لِعَمَلِ مَا يُرضِيهِ
، وَيُعطِيكُمُ القُوَّةَ لِتَحْقِيقِ ذَلِكَ.

صباح القوة الإلهية 💜