منتدى الفرح المسيحى - ازاي اكون انسان حقيقي

https://upload.chjoy.com/uploads/165989683415481.jpg

كلنا فينا عيوب، كلنا عندنا نقص،
كلنا عندنا احتياجات مفيش حد كامل ابدا غير الله بس.

علشان كده خليك حقيقي وخليك شفاف
فلما تضحك اضحك بصدق ولما تحزن أحزن بصدق
ولما تكرم أكرم بصدق ولما تتواضع اتواضع بصدق
ولما تحب حب بصدق
بلاش تعيش في تمثيلية انت اللي كاتبها
وانت اللي بتمثلها لكن جواك مش قادر تعيشها
اخلع القناع وخليك حقيقي واطلع للنور
ساعتها هتضحك لانك سعيد وهتحزن لانك حزين
وهتحب لانك محب وهتكرم لانك كريم وهتتحنن لانك حنين
، اطلع للنور وخليك حقيقي
ساعتها هترفض أنك تغير من نفسك
علشان تتقبل من حد وهترفض أنك تلعب في هوايتك
أو في شخصيتك علشان ترضي حد علشان كده خليك حقيقي.