منتدى الفرح المسيحى

https://upload.chjoy.com/uploads/165956503083151.jpg

أوقات كتير تحس أن كل حاجة أقوى منك وأن الكل عليك😢..
أحياناً كتير تحس أنك الأضعف
في شغلك بسبب شطارة كل اللي حواليك وساعات كمان خبثهم
وحواراتهم 😈..
أو فجأة تحسي أنك مش قادرة تلبي طلبات البيت الكتيييير
اللي عليكي😰..
أو بسبب الخدمة اللي فجأة لقيتها على دماغك
ومش عارف تعمل كل ده ازاي؟! 🌚

امبارح في خلوتي لقيت الكلمات دي في مزمور 59: 9
مِنْ "قُوَّتِهِ، إِلَيْكَ أَلْتَجِئُ"
لفت نظري وقعدت أفكر معناها أيه؟!
وبعدين لقيتها في ترجمات بتقول كدة:
"أنت عزي وقوتي وإليك أتطلع"
"إليك أسرع يا قوتي وعزتي"
يعني باجيلك لأنك أقوى🙏🏻..
باجيلك لأن لو أنا حاسس أني أقل أنت بتخليني أعلى،
وتخليني أقوى من كل اللي عليا!☺️
وبيكمل الآية وبيقول كدة: "لِأَنَّ ٱللهَ مَلْجَإِي" 🫂
يعني مليش غيرك ملجأ، مليش غيرك ستر وحماية
، تكمل كل ضعف وكل عجز وكل عدم قوة فيا! 😇
وبعدها في آية حسيت أنها تكفيني جداً في الوقت ده: "
إِلَهِي رَحْمَتُهُ تَتَقَدَّمُنِي" يكفيني أن رحمتك تمشي قدامي يكفيني أنها تتقدمني وهنا هاقدر على كل حاجة! 👌🏻
صديقي لو اللي حواليك أقوى منك،
نادي على اللي أقوى منهم كلهم
وقوله أنا جاي باحتمي فيك وباتركن على قوتك ورحمتك🙏🏻💪🏻😇💜