منتدى الفرح المسيحى - 👩🏻‍💼نصائح من سيدات الكتاب المقدس 👩‍⚕

https://upload.chjoy.com/uploads/165921947790571.jpg

كان مره في اجتماع سيدات الكتاب المقدس
👩🏻‍⚖وقفت حوا قائده الاجتماع وقالت كل واحده تقول نصيحه لكل الاخوات
وانا ها بدا بنفسي
حوا قالت اوعى تصدقي الحيه ها تلدغك لدغه من الى هيه
👩‍💻ساره قالت اوعى تستعجلي على وعد ربنا وتجيبي اسماعيل الله هايعطيكي اسحق اعظم هديه
👩🏻‍💼مرات لوط قالت ماتبصيش وراكى هاتبقى عمود ملح لو بصيتى على الدنيا الفانيه
👩‍💻رفقه قالت حبى ولادك ومتفرقيش بينهم فى المعامله وقولى لكل واحد انت غالى عليا
👩🏻‍💼ليئه قالت لو انتى مكروهه الله هاينظر ليكى ويسمع زى ما سمع ليا
👩‍💻راحيل قالت اوعى تاخدى طباع بيت ابوكى زى ماخدت الاصنام المخيفه
👩🏻‍⚖يوكابد ام موسى قالت اللى ليكى من الرب مش هايموت حتى لو فى الميه
اللى كان ابوها عايز يقتله ربته هي
👩‍💻مريم اخت موسى قالت اوعى تتكلمى على اخواتك وتقولى دى وحشه ودى كوشيه عيب دا انتِ نبيه
👩🏻‍⚖راحاب قالت ها يمحى ماضيكى وانتِ تحت الدم محميه
👩‍💻دبوره قالت هايستخدمك وترنمى احلى اغنيه
👩🏻‍💼نعمى قالت ها يرد المسلوب فى حياتك وتنسى الايام الردية
👩‍💻راعوث قالت لو انتِ غريبه ابو العز هايعيشك عيشه هنيه
👩🏻‍💼المرآه الشونميه قالت خدى اللي مات منك هو ها يحيه ومش ممكن يندم على العطية
👩‍💻استير قالت ربنا هايحولك الشر خير ويبطل مشوره هامان الردية
👩🏻‍⚖حنه ام صمويل قالت لو انتِ مُره النفس صلاتك وصلت وفى استجابة الهيه
👩‍💻ابيجايل قالت الحكمة تحافظ على البيت وتمنع عنه الأذية
👩🏻‍💼ميكال بنت شاول قالت اوعى تستحقرى ولاد ربنا خليهم يفرحوا براحتهم ما تبقيش حشريه
👩🏻‍⚖وقفت حوا قائده الاجتماع وقالت نفسنا نسمع اخوات العهد الجديد شويه
👩‍💻مريم ام يسوع قالت اتضعي يتولد فى احشائك المسيا
👩🏻‍⚖اليصابات قالت ها يفرحك بيوحنا زى ما فرحنى انا وزكريا
👩‍💻مريم المجدلية قالت هايحررك من ايد الشيطان وتكوني شاهده على القيامه البهيه
👩🏻‍💼مريم اخت لعازر قالت اسكبى الغالى عند رجليه واشتركى فى اكرامه دى قصه تتحاكه بيها البشرية
👩‍💻سفيره مرات حننيا قالت اوعى تكدبى وتمثلى الايمان هاتموتى
وتقعى زى ما انا وقعت وما حدش سمى عليا
👩🏻‍💼ليديا قالت ربنا يفتح قلبك زى ما فتح عليا
👩‍💻لوئيس وبنتها أفنيكي قالوا ربوا ولادكم وازرعوا فيهم الايمان وخليهم خدام وهى دى التربية
#أنتِ_جميلة
#أختارى_أن_تكونى_متميزة