منتدى الفرح المسيحى

https://upload.chjoy.com/uploads/165900123563491.jpg

لما كنت بارجع من الكلية بعد يوم متعب
ويطلبوا مني في البيت طلبات كتير
… كنت باكون تعبانة قوي ومش قادرة انطق
وأقول مش قادرة…🥺
كان وقتها ماما تبصلي نظرة عمري ماأنساها (نظرة حنية)
وتقولي خليكي …🥺

🫂 عارف يعني أيه حد يحن عليك …
👈وأنت في أصعب حتة في حياتك
👈وأنت جايب أخرك… ومحدش حاسس بتعبك
👈وأنت حتى كمان مش قادر تقول إنك مش قادر …

لما باقرأ الأيه دي باقف كتير قدامها
"فَتَحَنَّنَ يَسُوعُ وَلَمَسَ أَعْيُنَهُمَا، فَلِلْوَقْتِ أَبْصَرَتْ أَعْيُنُهُمَا فَتَبِعَاهُ."
(مت 20: 34).

أنت متخيل الرب اتحنن على العميان 👌
.. و هما ماكنوش شايفين ده .. والعمى مانعهم .. ولا فاهمين يسوع شايفهم إزاي…

صدق الكلام ده 👇
👈لو أنت مش شايف أن حد حاسس بيك
👈لو أنت مش شايف غير سواد
👈لو أنت كل اللي بتشوفه أنك لوحدك ومافيش واحد بس بيحن عليك
👈لو أنت حتى مش شايف إن ربنا حنين وبيحن عليك والعمى مانعك تشوف حنية الرب عليك

اطمن 🤍
☺️الرب حنين قوي
☺️الرب بيحن عليك وعلى وجعك ووحدتك
☺️الرب حنان ورحيم وطويل الروح
☺️الرب مش بس هيقف معاك في مشكلتك ويلمسك لكن الرب كمان بيحن عليك

قول للرب النهاردة شكرًا 🙌
لأن لمستك كلها حنان حتى لو أنا مش مدركها دلوقتي بسبب العمى والضلمة
لكن هاثق أنك حنين قوي عليا في لمستك…✊

لمسات_يسوع