منتدى الفرح المسيحى - قال لي كل ما فعلت

https://upload.chjoy.com/uploads/165800425468221.jpg

اكتشفت إني مسكين بجد ... 🥺
مش بأيدي بس اتغفلت ... 😔

اتربيت وشوفت الناس بتعمل كل حاجة بمقابل ... 😕
شوفت إني لازم أكون شاطر علشان أستاهل حاجة حلوة .... 🫣
شوفت إني مقبول ومحبوب لو واخد العين وبعمل الحلو والصح ...🫢

اتربيت ان مافيش مبرر أجيب درجة أقل من صحابي علشان أنا مش ناقصني حاجة !!!
ولا ايد ولا رجل ...🫠

اتربيت إني أعمل الصح واتعاقب على الغلط ... 👊
مش أفكر أو أقول أيه اللي وصلني إن أعمل الغلط ده ...🤷‍♀️

كبرت ولاقيت أن الناس مش بتعذرني لما أغلط وبتسنن السكاكين ... 🙅
فلازم مغلطتش ولو غلطت أخبي...🤐

كبرت بتقارن باللي حواليا.. معاهم أيه وانا ناقصني ليه ؟!!...
من غير ما أفكر إني مش شايف الصورة كاملة ولا عارف اللي قدامي ده ناقصه أيه🙄 ....

أكتشفت إني مسكين ...
بجلد ذاتي وبمشي في صراعات مش بتاعتي أصلًا...🫤

وفى يوم شوفت مشهد مش شبه أي حاجة عشتها ....

يسوع مع السامرية قدملها كمية قبول مشفتهاش في حياتها
"فَتَرَكَتِ الْمَرْأَةُ جَرَّتَهَا وَمَضَتْ إِلَى الْمَدِينَةِ وَقَالَتْ لِلنَّاسِ: «هَلُمُّوا انْظُرُوا إِنْسَانًا قَالَ لِي كُلَّ مَا فَعَلْتُ" يو ٢٨:٤

أيه كمية الحب دي🤍
أيه كمية القبول دي برغم "كل"و "أي" حاجة وحشة اتعملت ... 🙈

بس هو ده يسوع 🙌
اللي بيراعي مشاعري اللي شوهتها بأيدي 👌
يسوع اللي بيكسر كل قواعد اتربيت عليها ☺️
وبيصمم يأكد إني مقبول ومحبوب 🤍
أب كمان بالنعمة من غير أي حق 😊

فى كل يوم جديد استمتع إنك أبن مقبول ...
أوعى تعيش مسكين ومغفل ومضحوك عليك 😉😍🥰