منتدى الفرح المسيحى - صلي الصلاة دي من قلبك توبني فأتوب

https://upload.chjoy.com/uploads/165752486206451.jpg

كتير بنفكر إننا محتاجين نتوب الأول
وبعد كده نرجع لربنا،
وكتير برضه بنكون مش قادرين نتوب،
في آية في الكتاب المقدس بيقولها الناس لربنا
بتقول: "توبني فأتوب"
يعني حتى التوبة يا رب مش قادر عليها لكن عندي النية والرغبة،
وانت تديني القدرة للتوبة،
لكن ده مش معناه إني ماقومش بدوري،
فحتى قدرة الله متقدرش تغير شخص مش عايز يتوب،
واللي عايز يتوب بمجرد ما الله يديله العطية دي،
بيتحرك بكل قوته علشان يتوب "توبة نصوحة"،
توبة حقيقيىة مافيهاش رجعة،
توبة فيها ندم، ورغبة في التغيير، وثقة وإيمان في الله.
النهاردة لو انت عايز بس مش قادر،
صلي الصلاة دي من قلبك: "توبني فأتوب".