منتدى الفرح المسيحى - Miracle of heaven أو معجزة من السماء

https://upload.chjoy.com/uploads/165689123444761.jpg

فيلم Miracle of heaven
أو معجزة من السماء
الفيلم ده فيه مفاجأة هقولها نهاية البوست
جوة الفيلم هتعيش مع الطفلة بطلة الفيلم معاناتها في مرض نادر بيصيبها و الأطباء
مش لاقيين له علاج ، هتبكي و هتبتسم وانت بتتفاعل مع كل أنواع المشاعر الإنسانية ،
هتتألم و تبكي و تحتار مع الأطفال وهما محتارين جوة المستشفي ما بين إزاي الله بيحبنا
و إزاي بيسمح نتألم كدة .
هتحتار و تعيش المشاعر المفرحة مع المؤلمة ما بين شخص الله بيتمجد معاه
و يشفيه و شخص يكون مشيئة الله له انه يسافر السما .
هتعيش فترة إنتظار الله المحيرة و اللي كلها إيمان مع صبر مع ألم أحياناً
، لكن هتشوف الله إزاي ممكن يتمجد في الألم .
العجيب انك هتشوف ازاي ممكن الله يستخدم كارثة لنجاة شخص
، هتعيش كمان مشاعر المحبة بين الناس و بعضهم إزاي بتهون جبال الألم
و بتخليه أخف وسط مشاعر محبة صادقة .
و إن معجزات الله مانتهتش ، لكنه بيستجيب حسب حكمته و مشيئته و طريقته و توقيته .
مش هحرق لكم الفيلم
لكن المفاجأة اللي وعدتكم بيها في نهاية البوست
إن قصة الفيلم حقيقية بكل حرف فيها ، وفي نهاية الفيلم هتشوف أبطالها بنفسك