منتدى الفرح المسيحى - ثبات وسلام قلبك هو المعجزة الحقيقية

https://upload.chjoy.com/uploads/165684689511881.jpg

المعجزة اللي بجد مش شرط حاجة خارقة تحصل
، ولا هي تغيير الواقع مش لازم..
المعجزة هي "حفظ قلبك" يبقى هادي وفيه سلام وثابت في مواجهة التحديات والظروف اللي بتقابلك..

المعجزة انك تفضل في صداقة مع نفسك
ومع الله رغم الضربات المتكررة من ابليس
، والصدمات الكتير من الناس..
المعجزة انك تفضل مكمل رغم كل اللي بيحصلك ماتستسلمش.. وماتتغيرش لنسخة تانية ناشفة مابتعرفش تفرح..

عشان كده لما تيجي تصلّي، صلّي لقلبك، ولحفظ نفسك زي ماهي ماتتأثرش وماتتغيرش مع الزمن للأسوأ..
صلي لثبات وسلام وطاقة تعديك وتكمل بيها..

وصدقني..
ثبات وسلام قلبك هو المعجزة الحقيقية!
"وسلام الله الذي يفوق كل عقل يحفظ قلوبكم وأفكاركم في المسيح يسوع" (فيلبي 7:4)