منتدى الفرح المسيحى - الكلي القدرة اختار يتحنن

https://upload.chjoy.com/uploads/165504790420671.jpg

من الأفعال اللي اتذكرت
عن الرب يسوع في الأناجيل كانت انه (تحنن!) 😊
"فَلَمَّا رَآهَا الرَّبُّ تَحَنَّنَ عَلَيْهَا، وَقَالَ لَهَا: «لاَ تَبْكِي»." (لو 7: 13)
وَلَمَّا رَأَى الْجُمُوعَ تَحَنَّنَ عَلَيْهِمْ "متى36:9"
فَتَحَنَّنَ يَسُوعُ وَمَدَّ يَدَهُ وَلَمَسَهُ وَقَالَ لَهُ: «أُرِيدُ، فَاطْهُرْ!» "مرقس41:1"
كلي القدرة والحكمة والعلم والمعرفة اختار في مواقف كتير
انه يتحنن قبل اي حاجة ورغم اي حاجة! ..
اتحنن علي الأبرص ولمسه وشفاه ...
وعلى الأرملة وأقام ابنها من الموت ...
وعلى الجموع فأطعمهم 🍚
علشان كدا مش مهم تكون مبهر وفظيع وذكي وعبقري
وعندك كاريزما محصلتش ومواهب ملهاش مثيل
علشان تكون مؤثر في الناس وسبب خير وبركة ليهم،
لكن كفاية يكون عندك قلب حنين شبه قلب يسوع..
قلب بيختار يستخدم مشاعره يطبطب بيهم
على الناس الموجوعة بدل ما يحكم عليهم
ويدينهم أو يقلل منهم !
المتفوقين كتير، والمبهرين أكتر ..لكن الحنينين قليلين!.
بس الأكيد أن قلبهم شبه قلب يسوع ☺️🤍 "