منتدى الفرح المسيحى - سلام وطمأنينة وسكينة🙌

https://upload.chjoy.com/uploads/165489948386081.jpg

أنا حاسس أنه مفيش خير"
دي كلمات قالها صديق ليا من كام يوم بعد أحداث بتحصل حوالينا كتير في العالم🙆‍♀️

معرفش أزاي وأنا بسمعه لقيت كلمات مزمور بتنط في مُخي
كدة دورت عليها لقيتها في مزمور ٤ بتقول كدة
: كَثِيرُونَ يَقُولُونَ: «مَنْ يُرِينَا خَيْرًا؟».
بالظبط زي الكلمات اللي سمعتها كدة. هو فين الخير؟ مفيش أمل!
مفيش خير جاي! ده لسان حال الناس اللي بتكلم داود في المزمور ده.😔 ويظهر مستمر طول الزمن!

وبعدين قررت أكمل المزمور لقيت الكلام الجميل ده: "ٱرْفَعْ عَلَيْنَا نُورَ وَجْهِكَ يَا رَبُّ. جَعَلْتَ سُرُورًا فِي قَلْبِي أَعْظَمَ مِنْ سُرُورِهِمْ إِذْ كَثُرَتْ حِنْطَتُهُمْ وَخَمْرُهُمْ. بِسَلَامَةٍ أَضْطَجِعُ بَلْ أَيْضًا أَنَامُ
، لِأَنَّكَ أَنْتَ يَا رَبُّ مُنْفَرِدًا فِي طُمَأْنِينَةٍ تُسَكِّنُنِي." 💜

الحقيقة مش لاقي حاجة أقولها تاني في تأمل النهاردة بعد الكلمات دي. أقرا تاني كدة آخر كام سطر وأفتكر أنه الخير منه☺️
السرور اللي في القلب مش بيجي من عندي كام وأد أيه لكن من السلام بتاعه.
حتى النوم مش بيجي على الريش المريح.
لكن بيجي عشان هو اللي بيدي سكنية القلب.

بصلي لكل حد بيقرا الكلمات دي عشان تلت حاجات:
سلام وطمأنينة وسكينة🙌😍