منتدى الفرح المسيحى - انا اله البسطاء

https://upload.chjoy.com/uploads/165334544455411.jpg

هو اللي محلتوش ٥ خبزات وسمكتين
ولا حتي فلسين يقدمهم يعمل ايه؟
اصل الخمس خبزات والسمكتين وكمان الفلسين
هما الطاقه اللي باقيه
هما الاحتمال اللي فاضل
هما القوه اللي موجوده
طب لو مش موجودين هاقدم ايه علشان تبارك فيه وتزيده
هاتقولي قدم قلبك؟
ما اديك شايف القلب
خلاص مابقاش فيه باقيه وكل يوم بيشوف
اللي يخليه نبضه يقف وشريان الحياه جواه يتسد
ماتقوليش قدم نفسك ذبيحه
لان انا ذبيحه ميته ومخنوقه وانت مش بتقبل ذبائح ميته
ومخنوقه زي العهد القديم
قولي بقي يارب اللي محلتوش الخمس خبزات
والسمكتين ولا حتي فلسين ولا قلب مرتاح ولا حتي ذبيحه مرضيه
قولي اقدم ايه
فيقولي ربنا : كلامك ده قبلته وهاطلع منه ثمر
ودموعك دي قلبك ويلين كل قلب حجر
ووجعك ده ذبيحتي راضي بيه وهاخرج منه حياه
انا اله البسطاء