منتدى الفرح المسيحى - مقابله مغيرة مع يايرس وابنته

https://upload.chjoy.com/uploads/165296756362681.jpg

تخيل معايا لحظة ....
أب بيجري يدور على الطبيب الشافى علشان بنته بتطَلع أخر أنفاسها ... وفي وسط الزحمة عرف يوصله ..

أول ما طلب منه يجي معاه رحب جداً ...
وابتدى الأمل يسكن قلب الأب …

وسط الزحمة الموكب يقف وست بتتشفي من لمسة ثوب .
. الناس مبهورة ويمكن بتسقف والست واقفة تشكر وتعظم ...
والأب مش قادر يحس بفرحة الزحام ده كله☹️ .
.. لسه مخطوف وقلقان على بنته .

وييجى صوت "ابْنَتُكَ مَاتَتْ. لِمَاذَا تُتْعِبُ الْمُعَلِّمَ بَعْدُ؟"
صمت بيملى المكان 😶... بعد ما الأمل ملى الكيان ،
و١٠٠ سؤال في البال لو كنا مشينا على طول مكنش ده الحال🥺 ...

وفى وسط مشاعر ملخبطة يسوع مستناش كلمة منه
لكنه بسرعه قال «لاَ تَخَفْ! آمِنْ فَقَطْ».

وكانت مقابلة يسوع هنا مختلفة ... عمل معجزة تتبروز 🤩
طلب منه أنه يآمن وبس ... مكنش عايز يقوم بنته بمشهد الناس تسقف فيه ...
كان عايز يمشي معاه سكة حتى فى إيمانه.. ويكمل لحد بيته من غير زحمة ناس عشان يعرف يتكلم معاه بشكل فريد ومميز في الطريق .
وبعد السكة ... دخل للبنت و بكلمة قومها من الموت ..
.. وخلق روح جديدة وسكة إيمان عجيبة مع يايرس 💙
شكرا إلهى أنك بتتعامل معايا بطريقتي أنا وايماني أنا بمنتهى الاختلاف بجد 🙏

#مقابلة_مُغَيِّرة🤝