منتدى الفرح المسيحى - اراده حديد ( دانيال النبي )

https://upload.chjoy.com/uploads/165244822010531.jpg

وعزَمَ دانيالُ في قلبِهِ أنْ لا يأكُلَ مِنْ طعامِ المَلِكِ
ويشربَ مِنْ خمرِهِ، لِئلاَّ يُخالِفَ الشَّريعَةَ،
فطَلبَ مِنْ كبـيرِ الأُمناءِ أنْ يَعفيَهُ مِنْ هذا الطَّعامِ.
(سفر دانيال 1:8)
يحكيلنا الكتاب المقدس عن شاب اسمه دانيال
راح في أسر لبلد تانية ملكها مش بيعبد الله،
وجاتله فرصة يعيش في قصر الملك وياكل من أكله
علشان يتقوى وتبقى بنيته قوية،
لكن للأسف الأكل دا كان بيخالف شريعة إلهه
اللي بيعبده وبيهابه وميحبش يزعله،
فرفض دانيال ياكل!..
بصراحة ميقدرش يعمل حاجة زي كدا غير شخص إرادته قوية،
عارف هو عايز ايه مش بياخد أي حاجة تتقدمله وخلاص
حتى لو اللي حواليه معتبرينها حلوة.
احنا كمان محتاجين نميز كويس ايه اللي صالح
وإيه اللي لا واللي قبولنا ليه هيضرنا أو هيغضب الله
والمشجع في الموضوع ان الله بيساعد اولاده
اللي ليهم علاقة شخصية بيه ان إرادتهم تتقوى
وتغلب كل حاجة غلط في العالم ❤