منتدى الفرح المسيحى - يارب أنت ترى أنت تدبر😇

https://upload.chjoy.com/uploads/1652083259631.jpg

وأنت رايح تقدم وحيدك اللي بتحبه إسحق 🥹 ...
وأنت عارف وواثق أنكم راجعين سوا👬...
وأنت متحمل أصعب سهام إبليس ممكن يرميها على بشر🧠💔...
سميت المكان "يهوه يرأه".. الرب يرى .. الرب يدبر..
سهل جدا كنت تسميه مكان التجربة والألم وده حقك
، أو تسميه مكان النصرة لأنك تفوقت في الامتحان..
بس أنت قررت يا أبويا إبراهيم إنك تعلق ذاتك
ومعاها شطارتك على جنب وتفضل مركز على اللي دبر ليك الكبش
وقت التجربة وقلت "الرب يرى"..
قررت ماتبصش على صعوبة الموقف ومرارته
لكن تبص على اللي شايف وعارف...

وأنا في وسط صعوبة التجربة قلبي واثق فيك
حتى لو رجلي بتترعش كل ماقرب من المذبح..
واثق أنك هتدبر الكبش..
باقولك زي إبراهيم أنا رافع عيني عليك
يارب أنت ترى، أنت تدبر😇...
يهوه يرأه 💜

فَدَعَا إِبْرَاهِيمُ اسْمَ ذلِكَ الْمَوْضِعِ «يَهْوَهْ يِرْأَهْ».
حَتَّى إِنَّهُ يُقَالُ الْيَوْمَ: «فِي جَبَلِ الرَّبِّ يُرَى». (التكوين ٢٢: ١٤)