منتدى الفرح المسيحى - سألته متعجبة

https://upload.chjoy.com/uploads/165158349544991.jpg

سألته_متعجبة ..🤔🤔
وإزاي بجد بعتولك بنت تبات معاك ليلة ،
علشان توقعك في حبها ..
يفتحوا عليها الصبح ..
يلاقوها واقعة في حب المسيح ..؟!!

وإزاي وإحنا خدام ، ما وراناش غير نتكلم عن المسيح ،
مش عارفين مهما تعبنا في تحضير الدروس ،
وتجهيز المؤتمرات ، والتعب ف المهرجانات ،
إننا نرجع ولاده ليه ..؟؟! 😞😞

#بص_لي البطل من فوق حصانه وابتسم 😊 وقالي ..
علشان أنا ما كلمتهاش عن المسيح ..!! ✋✋
أنا وريتها ليلة كاملة ..
جمال الحياة مع المسيح ..!❤❤

دخلت تغني .. لقيتني بسبح ..! 😇😇
دخلت تتمايل .. لقيتني بسجد ..! 🙏🙏
دخلت تغويني بجمالها .. لقيتني مشغول ببهائه..! ❤❤

قولتله .. السلام ليك يابطل ..😍🙏
علمني أعيش مااحكيش ..!!