منتدى الفرح المسيحى - مقابله مغيرة مع الاعميان

https://upload.chjoy.com/uploads/165145010431651.jpg

عارف إحساس إنك وسط الزحمة تحس إن ليك مكانتك الخاصة!
عارف إحساس إنك متقدر ومش رقم وسط عدد ولا شئ ملوش لازمه!
الإحساس ده بيشفي الروح ..
. مش بس الجسد اللى عايز شفى 🤍🤍

كان فيه أعميان في الطريق ...
طول عمرهم حاسين إن ناقصهم كل حاجة مش بس النور .
.. بيشحتوا العطف قبل الفلوس ،
نفسية موجوعة..
ويمكن بيسألوا كل يوم ليه ربنا خلقنا كدة؟!
، كانوا مع بعض وقادرين يحسوا وجع بعض .
وف وسط الزحمة يسمعوا إن يسوع معدي ...
يقرروا يمسكوا في أخر أمل ويصرخوا "يا ابن داود ارحمنا" ورغم ان الناس سكتتهم وقف يسوع وقال قربوهم منى
"تحبوا اعملكم أيه!" وكأنه بيفتح حوار وبيقولهم اتكلموا أنا مقدركم
ووسط الزحمة عايز اسمعكم ..
ويطلبوا الطلب المنطقى "أن تفتح أعيننا"

ويكمل كدة إن يسوع "تحنن ولمس أعينهم"
وف ثانية واحدة عينيهم فتحت ....
خالق الكون "تحنن" …
بجمال بيلمس ويطبطب 💜
بجمال بيخلق روح جديدة قبل مقابلته وبعد 🤍🤍

بشكرك يا إلهي على كل مرة طبطبت على قلبي
وإنت بتعمل معايا معجزتك بس علشان تشفي روحي🙏🙏

مقابلة_مُغَيِّرة🤝