منتدى الفرح المسيحى - شكرا لانك خلتني ابن الله

https://upload.chjoy.com/uploads/165071053940291.jpg

في كل العهد القديم...
الانسان كان بينظر لله إنه إله بعيد..
كان بيخاف منه وبيتقي غضبه..
وده لأن الخطية كانت عاملة فاصل بين الله والإنسان،
والبشر كلهم كانوا أبناء للغضب والمعصية (أف2: 3-5)..
ورغم إن الله قدم محبته في صور كتيرة للإنسان..
إلا إن الإنسان مكنش قادر يستمتع بكل أبعاد المحبة دي
لكن في العهد الجديد بنعرف إن الله قرر إنه
يشيل الخطية بموت المسيح على الصليب..
وكل شخص آمن بالمسيح وبعمله الخلاصي على الصليب..
وقدم توبة حقيقية عن خطاياه وحياته الشريرة..
الله بيخليه ابن ليه بالتبني..
"وَأَمَّا كُلُّ الَّذِينَ قَبِلُوهُ فَأَعْطَاهُمْ سُلْطَاناً أَنْ يَصِيرُوا
أَوْلاَدَ اللَّهِ أَيِ الْمُؤْمِنُونَ بِاسْمِهِ" (يو1: 12)..
وبيستمتع بكل امتيازات أبوة الله..
زي إنه من حقنا إننا نتكلم مع الله وهو يسمعنا ويحس بينا،
وكمان يرشدنا في حياتنا ويشاركنا في ضيقاتنا..
"اُنْظُرُوا أَيَّةَ مَحَبَّةٍ أَعْطَانَا الآبُ حَتَّى نُدْعَى أَوْلاَدَ اللهِ!" (1يو3: 1)...
ليك حق إنك تفتخر إن الله أبوك وأنت ابنه...
وتقوله: شكراً لأني ابن ليك وأنت أبويا ❤