منتدى الفرح المسيحى - شكرا لانك انقذتني

https://upload.chjoy.com/uploads/165020051791681.jpg

كلمة خلاص معناها تحرير أو فكاك أو انقاذ..
فلو في شخص مديون بمبلغ كبير..
وحد اتبرع بسداد ديونه..
بنقول إن الشخص ده اتخلص من الديون..
ولو في مريض عنده مرض مزمن ولقى طبيب يعالجه
بنقول إن الشخص ده اتخلص من المرض..
والكتاب المقدس بيقول لنا إن كل البشر عندهم مشكلة كبيرة
المشكلة دي هي الخطية..
وياما حاولوا يتخلصوا منها ومقدروش..
لكن الرائع إن الله أوجد الحل للخطية..
بعد معاناة البشر لسنين..
وانتظارهم لخلاص منها..
وده من خلال شخص السيد المسيح..
اللي جه علشان يخلص الناس من خطاياهم...
"لأَنَّ ابْنَ الإِنْسَانِ قَدْ جَاءَ لِكَيْ يَطْلُبَ
وَيُخَلِّصَ مَا قَدْ هَلَكَ" (لو19: 10)..
ومات على الصليب لأجل كل الخطاة..
وأعطاهم حياة أبدية بدل الموت والهلاك..
علشان كده يحق لينا إننا نقوله..
ممتنين لخلاصك يارب 😍🙌