منتدى الفرح المسيحى - مقابله مغيرة مع نيقوديموس

https://upload.chjoy.com/uploads/164937182358681.jpg

ناس وزحمة وهيصة بيشوفوا بعينيهم معجزات..
مستنين مسيا يخلي اليهود أسياد..
وفي وسط الضلمة بالليل يقرب يهودي كبير🌑🌑.
. شخصية بارزة ومتدين وليه تأثير كبير عالناس
أصله كان عضو في السنهدريم...

راح يدور ويسأل المعلم "يسوع"،
يمكن راح ياخد منه شوية تعليم زيادة تنفعه في تعليمه لليهود
، يمكن راح يتأكد أنه "هل انت المسيا المنتظر يا يسوع؟!" 🤓🤓
وبدأ يسأل عن الولادة التانية والمعمودية وملكوت السموات⁉️

ورد يسوع عليه كسر كل اعتقاد فكري في دماغه،قاله أوعى تصدق أن انتمائك العرقي لجماعة هيضمن لك مكان في الملكوت😲😲
ويكمل يسوع ويشرحله شرح وافي يخلي نيقوديموس يقوله "يا معلم" على حق
ونشوفه بيدافع عن يسوع قبل ما يقبضوا عليه، ويقولهم:
اسمعوه قبل ما تحكموا عليه، لكن طبعا اتهموا نيقوديموس بالتواطؤ وسخروا منه😔😔
وفي النهاية أشهر إيمانه، وراح جايب ٣٠ لتر من الطيب
عشان يساعد يوسف الرامي في دفن يسوع..

يا نيقوديموس انت خليتني افكر:
لو أنا خادم ومعلم وليّ تأثير ومستني تأثيري يزيد
، لازم أسهر مع يسوع وأخد منه تعليم جديد..
لو أنا عندي أسئلة ، يسوع مستحيل يسيبني من غير إجابة🛐🛐..
لو أنا خايف اروح ليسوع ، ده مايمنعش أنه مستنيني في أي وقت.. ✝️✝️
شكرا يا مُعلم أنك مستني تقابلني كل يوم
وتغير أفكاري وتجاوب أسئلتي 🙏🏻🙏🏻

مقابلة_مُغَيِّرة🤝