|
تمجيد لنيافة الحبر الجليل مثلث الرحمات الانبا مينا مطران كرسى جرجا وتوابعها
نبدأ باسم الثالوث +++ الواحد القدوس +++ نمدح حبرا مأنوس بنيوت افا مينا قديس بسيط وعظيم +++ مثال حياة التسليم +++ جاهد وسما بتصميم الكل فى صورته شاف +++ ملاك طاهر شفاف +++ صورة لراعى الخراف طوبى لاسحق وملوك +++ على حب يسوع ربوك +++ بوصاياه وصوك فكنت ياقزمان +++ بتنمو فى الايمان +++ فى حب الديان وانت لسة صغير +++ خمستاشر لا غير +++ اشتقت تروح الدير رفض رئيس الدير +++ اشفق عليك ياصغير +++ تحمل بدرى النير بعد 4 سنين +++ زاد فيهم الحنين +++ السما قالت امين هذا الاناء المختار +++ يسكن بين الابرار +++ فى دير ابو مقار سموك لوقا ياحبيب +++ فبقيت للنفس طبيب +++ تطلب والرب يجيب تكشف اوجاع بالروح +++ من غير ما النفس تبوح +++ بكلمة تداوى الجروح الروح ايضا اعطاك +++ تعرف اسم البطرك +++ بصوت سماوى اتاك فى ثلاث مرات حدد +++ اسم مينا المتوحد +++ هيكون هو المرشد وحبيب المسيح +++ ابونا عبد المسيح +++ كان لك مثال صريح لحياة البتولية +++ والفضيلة المخفية +++ والثبات والتضحية كان المناهرى مثال +++ لك فى الاحتمال +++ وفى الصبر على الاهوال وتنبأ لك زمان +++ انك هتكون مطران +++ ترعى شعبك بحنان هذا الاناء المختار +++ يرعى قطيع الابرار +++ فى جرجا مكانه صار عمرت فى كل مكان +++ ونورت الاذهان +++ بتعاليم الحنان زرعت الخير والحب +++ بين افراد الشعب +++ ثبتهم فى الرب قلت لا تسقط ابدا +++ المحبة تزيد جدا +++ وليس لها حدا وفى بابه جاء الحين +++ فى يوم 27 +++ السما طلبت الامين افا مينا اشفع فينا +++ اذكرنا بأسامينا +++ امام عرش فادينا تفسير اسمك فى افواه كل المؤمنين الكل يقولون يااله الانبا مينا اعنا اجمعين |
| الساعة الآن 02:02 PM |
Powered by vBulletin® Copyright ©2000 - 2025