منتدى الفرح المسيحى

https://upload.chjoy.com/uploads/164906310690051.jpg

استحملها كتير، و استحمل عندها و عنفها و تطاولها و جهلها بشخصيته ..
احتمل السيد المسيح الْمَرْأَةُ السَّامِرِيَّةُ و هي بتكلمه بكل قسوة قبل ما تكتشف هو مين !!

لم يغضب او يعاتب او يوبخ: بس استحمل و طول باله و رد علي كل اسئلتها .. و بسبب صبره و طولة باله و وداعته و حنيته كسب قلبها ، و صدقت رسالته و آمنت بيه ..

لو ليك ابن (او بنت) استحمله و استحمل تقلباته و صراعاته و فوت له بوداعة كلامه القاسي .. أتدخل بحزم مرات ، بس استحمله ، ما ياما اهلك استحملوك و انت صغير و ياما ربنا نفسه استحملك و استحمل عندك ؛ استحمله تكسبه ..

و لو ليك شريك حياة استحمله ، و طول بالك .. استحمل تعبه و ارهاقه و حزنه و غضبه ، ما ياما برضه الناس استحملوك و برضه ياما ربنا استحملك ؛ استحمله تكسبه ..

برضه استحمل اصحابك و قرايبك عاي قد ما تقدر ، ح تكسب منهم كتير بطولة البال ..

محتاجين طولة بال و احتمال كبير نكسب بيها نفوس حبايبنا ..