منتدى الفرح المسيحى - دايماً معيشني في خيره

https://upload.chjoy.com/uploads/164849920114761.jpg

سمعت قصة غريبة عليا ...
الخرفان في بعض الأحيان وهى ماشية الصوف بتاعها بيشبك في أي حاجة وممكن وهما بيحاولوا يفكوا نفسهم يموتوا أو حتى يتعوروا😲
مش بس كدة ... كمان في حشرات
ممكن تبيض عيلها جوة الفروة بتاعته وبتخليه هايج
ومش بيسيطر على نفسه
وممكن يعور نفسه أو يموت كمان ...🤭

فبيجي الراعي الشاطر ويحط زيت على فروة ورأس الخروف
، فالحشرات متدخلش ولا الصوف الخشن يشبك في حاجة ..

فى مزمور ٢٣ بيقول "مسحْت بالدّهْن رأْسي. كأْسي ريّا.
إنّما خيْرٌ ورحْمةٌ يتْبعانني كلّ أيّام حياتي"

مسحت بالدهن رأسي يعني حفظتني😇….
عملتلي طبقة عازلة تحميني من أي حاجة ،
حتى من نفسي ... من أفكاري... وتفكيري في الظروف والتحديات... تفكيري في بكرة اللي مش واضح .

ويكمل "خير ورحمة يتبعانى" 😍
الدنيا قلق بس أنا مصدق إن فيه خير، لأنه دايماً معيشني في خيره
اللي كمل معايا زمان رغم كل اللي حصلي هيعرف أزاي يحميني في كل اللي جاي💜💜 ده وعده