منتدى الفرح المسيحى - ازاي تكون شاطر

https://upload.chjoy.com/uploads/164779470065881.jpg

أغلب الناس اللي قابلتها
وكانت شاطرة في مجال شغلها..
كانت أكتر صفة ظاهرة فيهم بوضوح
هي: ((((( التواضع )))))
الشاطر مش بيتكلم عن نفسه كتير..
لأن شغله هو اللي بيتكلم عنه،
الشاطر عنده استعداد أنه يتعلم دايماً..
لأنه عارف إن خبرته مهما كانت كبيرة ليها حدود..
الشاطر مش بيخاف يعلم غيره،
لأنه واثق إن كل واحد هيكون متميز في حتة غير التاني
الشاطر مش بينتقد شغل غيره..
لأنه ببساطة مش محتاج يعمل كده..
الشاطر مش بيتضايق لما حد بينتقده..
لأنه بيعتبرها فرصة إنه يطور من نفسه..
الشطارة والتواضع غالباً بيكونوا وجهين لعملة واحدة. ☝️