منتدى الفرح المسيحى - جلسة هنيّة مشفيّة يا صديقي 😍 مش خلصانة

https://upload.chjoy.com/uploads/164759868827771.jpg

وكل ما تقرب مناسبة أو عيد..
فيها تتاخد في ذكريات مع حبيب سابك..
غالي فقدته فازدادت أحزانك..

حبيب رنات حروف كلامه في ودانك ونغمات عشرة اصيلة بتنبض جوه قلبك..

حبيب سابلك شوية ذكريات تفتكرها تغرّد هيمان.. تفوق بعدها تلاقيك محبوس جوه قفص وحداني م الحيرة والحزن مليان.

ده واقع لأيام كل دقيقة فيها نتفاجأ بحد مننا يتاخد ومش راجع..😥

طيب.. هي كده خلصانة.. ؟
لا يا صديقي مش خلصانة..

إن كان حبيب فاتك فيه حبيب تاني قعدته معاك دايمة..

يفاجئك بزيارة حلوة يطمن روحك..
يبعت لك اغاني في ليل طويل مضلّم
ومايسبكش لحيرة تقتلك..

يتعامل مع وجعك.. ويضمد جراح عميقة جواك..
يالا مستعد.. زمانه في السكة.. ولاَّ اقولّك.. أهو واقف على الباب.. افتح بسرعة..

#جلسة_هنيّة مشفيّة يا صديقي 😍
#مش_خلصانة