منتدى الفرح المسيحى - ابونا بولس جورج متحدثا عن البابا شنودة

https://upload.chjoy.com/uploads/164756036371281.jpg

مرة قابلت قداسة البابا شنودة وسألته يا سيدنا تسمحلى اسألك؟
ازاى جواك سلام وبشاشة دايما رغم المشاكل اللى الكنيسة فيها كل يوم
ده احنا مش بنفوق يا سيدنا من حادثة للتانية؟
قالى شوف يا ابونا:
انا اتعودت دايما مع كل مشكلة اصلى من اجلها مرة واتنين وتلاتة
وبعد تالت مرة بقول لربنا شوف يارب
انا صليت وطلبت منك وعرفتك كل المشكلة
كده بقت معاك انت وده شعبك ودى كنيستك اتصرف انت
ولما بيقابلنى حد بقولهم ربنا هيتصرف والمشكلة معاه
ابونا بولس جورج