منتدى الفرح المسيحى - هو حبني وحبك واحنا منستحقش

https://upload.chjoy.com/uploads/164755234267161.jpg

الطبيعي إني أحب اللي يحبني ...
الطبيعي إني أجامل اللي بيجاملني ...
والطبيعي إني أصلي للي يهمني ...
مشاعر طبيعية بنعيشها في كل يوم بيعدي علينا يمكن بدون تفكير أو حسابات .👌
لأنه باختصار ده الطبيعي 🤷‍♀️🤭

لكن أيه رأيكم لو حسبناها حسبة تانية 🧐🙄
حسبة أن الحب إرادة مش مشاعر ...
يعنى إني أحب اللي مبيحبنيش ده إرادة مش مشاعر ...
إني أساعد اللي رفض مساعدتي قبل كده ده إرادة مش مشاعر ...
هل معنى كده إن الحب قرار ....‼️⁉️
أه الحب قرار وإني أقدم محبة واهتمام مع ناس ممكن تكون متستحقش، دي إرادة ...

طب أخد منين القوة دي ….؟؟
أجيب منين المشاعر دي ...؟؟
دايماً بص للصليب ✝️...
هو حبني وحبك واحنا منستحقش...
غفر وحب بالكتير عشان كده لازم إحنا نحبه ونحب بعض بالكتير ...💜💖
"وَإِنْ أَحْبَبْتُمُ ٱلَّذِينَ يُحِبُّونَكُمْ، فَأَيُّ فَضْلٍ لَكُمْ؟ فَإِنَّ ٱلْخُطَاةَ أَيْضًا يُحِبُّونَ ٱلَّذِينَ يُحِبُّونَهُمْ. وَإِذَا أَحْسَنْتُمْ إِلَى ٱلَّذِينَ يُحْسِنُونَ إِلَيْكُمْ، فَأَيُّ فَضْلٍ لَكُمْ؟ فَإِنَّ ٱلْخُطَاةَ أَيْضًا يَفْعَلُونَ هَكَذَا."
(لُوقَا ٦: ٣٢-٣٣)