منتدى الفرح المسيحى - القبض على بولس

https://upload.chjoy.com/uploads/164754709630911.jpg

بعد اما بولس خلص رحلاته التبشيرية اللي كانت كتير جدا، قرر انه يرجع لأورشليم....
مع ان اللي كانوا معاه حظروه والوله بلاش ترجع لأورشليم
لأن اليهود هيقبضوا عليك، فقالهم : انتوا كدة بتزعلوني أكتر،
أنا مستعد اني أموت من أجل اسم يسوع المسيح، متخافوش.
وفعلا سلم عليهم وسافر.

https://upload.chjoy.com/uploads/164754716367241.jpg

ولما وصل أورشليم وقابل المسيحين اللي هناك قالوله أن اليهود قالبين الدنيا عليه
ومفهمين الناس أنه بيعلم الناس يبعدوا عن تعاليم موسى النبي،
فأكيد عرفوا انه في أورشليم وهيقبضوا عليه....
ونصحوه انه يروح يقعد في الهيكل لمدة أسبوع هو وأربع رجالة تاني علشان يفهمهم
انه مبيقولش للناس يبعدوا عن تعاليم موسى وأنه هو نفسه بيعمل الطقوس اللي قال عليها موسي.

https://upload.chjoy.com/uploads/164754721500051.jpg
لكن بعد ما عدي السبع أيام جم اليهود وهجموا عليه في الهيكل.....
وقالوا ده بيدخل ناس مش يهود جوة الهيكل، ده مش بيحافظ على قدسية المكان.

https://upload.chjoy.com/uploads/164754728137151.jpg
وجروه برة الهيكل وكانوا عايزين يموتوه، لحد ما وصل الخبر لأمير الكتيبة
كلوديوس ليسياس (زي البوليس دلوقتي)....
فخذ عساكره وجه أنقذ بولس من وسطهم.....
لكن الأمير كلوديوس مكنش عارف مين ده!!! ولا عارف ليه اليهود هايجين عليه كدة!!!

https://upload.chjoy.com/uploads/164754734635761.jpg
والناس اللي كانوا هايجين على بولس فضلوا ماشيين وراه حتى بعد اما خدوه للمعسكر....
فطلب بولس من أمير الكتيبة انه يكلم الناس....
فقالهم بولس: ممكن تسمعوني، أنا كنت يهودي زيكم وكنت بضطهد المسيحين
وبسلمهم للسجون... لكن المسيح ظهرلي وعرفني طريقه، وبعتني للناس علشان ابشرهم.....
لكن اليهود مسمعوش وهاجوا أكتر وأكتر....

https://upload.chjoy.com/uploads/164754741728061.jpg
وبعد كدة اتفق اليهود وقالوا احنا هنروح نطلب اننا عايزين نشوف بولس
علشان نسمع منه اكتر ولما يجي نقتله.....
فكان موجود في الوقت ده ابن اخت بولس ،
فجري على المعسكر اللي محبوس فيه بولس علشان يعرفه.....

https://upload.chjoy.com/uploads/164754748988911.jpg
ولما بولس عرف طلب من واحد من الموجودين انه ياخد ابن أخته ويوديه لأمير الكتيبة.....
فعرف كلوديوس الموضوع وطلب من الولد انه ميعرفش حد انه جه وقاله.
فبعت أمير الكتيبة بولس مع قوة أمن كبيرة لفليكس الوالي اللي كان قاعد في مدينة قيصرية.
... وبعتله جواب يعرفه الموضوع كله....

https://upload.chjoy.com/uploads/164754757970351.jpg
ولما جابوه لفيلكس قالهم: مش هقدر أعمل حاجة لغاية ما أسمع لليهود برضة...
فجه اليهود وقالوا كل كلامهم عن بولس....
فسأل فيلكس الوالي بولس وقاله: ايه رأيك في الكلام ده؟
فرد بولس: هقولك اللي حصل وانت احكم.... انا بقالي 12 يوم بس في اورشليم
، ولما لقوني في الهيكل أنا مكنتش بكلم حد ولا بعلم حد ولا في تجمعات حواليا..
... وهما ميقدروش يثبتوا أي كلام من اللي بيقولوه عليا....
فبعد اما مشي اليهود أعجب فيلكس يطريقة كلامه وكان كل شوية يجيبه يسمع لكلامه....
لكن للأسف فيلكس مشي وساب بولس وهو لسة مسجون...
وجه بعد فيلكس والي اسمه فستوس وعرف عن موضوع بولس، فقال لبولس :
انت لازم تروح أورشليم علشان تتحاكم هناك.....
فقاله بولس: انا واقف عند كرسي قيصر وأنا عايز قيصر هو اللي يحاكمني....
وده لأن فستوس كان والي روماني يعني بيمثل قيصر روما....
وبعدها بكام يوم جه ملك اسمه أغريباس ومراته اسمها برنيكي لقيصرية
يسلموا على فستوس فحكي لهم عن بولس فطلبوا يقابلوه.....
فاتكلموا معاه كتير لدرجة ان أغريباس قاله: يا بولس بشوية كلام صغيرين كمان أنا هبقي مسيحي..

https://upload.chjoy.com/uploads/164754770358471.jpg
وبعد كدة جهزوا سفينة علشان يسفروا بولس للامبراطور الروماني....