منتدى الفرح المسيحى - شمشون قاضى اسرائيل

https://upload.chjoy.com/uploads/164754565349331.jpg

قصة شمشون موجودة في سفر القضاة من إصحاح 13:16
كان قاضي لإسرائيل لمدة 20 عام

https://upload.chjoy.com/uploads/164754573899721.jpg

كان يما كان الإسرائليين زمان بعدوا عن طريق ربنا, وفي الوقت ده الفلسطنيين
كانوا متسلطين عليهم وبيعاملوهم وحش جداً.
وكان في راجل إسمه "منوح" , ومكنش عندهم أولاد.
ففي مرة ظهر ملاك لمراته وهي لوحدها وقالها إنك هتحملي
وهتجيبي ولد هيكون نذير لربنا, وهيخلص إسرائيل من الفلسطنيين
علشان كدة لازم تخلي بالك من أكلك وشربك.

https://upload.chjoy.com/uploads/164754580843371.jpg

فراحت بسرعة لجوزها وقالتله: أنا ظهرلي ملاك الرب
وقالي إني هجيب ولد وهيكون نذير للرب,
لكن أنا معرفش جه منين ولا حتي إسمه إيه؟
فصلي منوح لربنا وقاله: يارب ممكن الملاك اللي ظهر لمراتي يظهر مرة تانية
علشان نعرف هنعمل إيه مع الولد اللي هيجي؟

https://upload.chjoy.com/uploads/164754585836931.jpg

وفعلاً ظهر الملاك مرة تانية لمرات منوح وهي في الحقل
فجريت علشان تنادي جوزها.

https://upload.chjoy.com/uploads/164754590710161.jpg

جه بسرعة منوح للملاك وسأله: هنعمل إيه مع الولد ده؟
فقاله الملاك إنها تخلي بالها من أكلها زيما قلتلها قبل كدة.
فقاله منوح: أنا بطلب منك إنك تستني تاكل معانا.
فرد الملاك وقاله: مش هينفع.
سأله منوح : طيب إسمك إيه علشان لو جيت بعد كدة نكرمك.
فرد الملاك: ليه بتسأل علي إسمي وهو عجيب؟

https://upload.chjoy.com/uploads/164754595495541.jpg

فقدم منوح ذبيحة لربنا في الوقت ده.

https://upload.chjoy.com/uploads/164754600612611.jpg

وأول لما منوح قدم الذبيحة, راح الملاك دخل جوة لهيب المذبح وإختفي بعد كدة.
فعرفوا في وقتها إن ده ربنا ....فسجدوا علي الأرض علطول.

https://upload.chjoy.com/uploads/164754604777941.jpg
وجاله ولد وسموه "شمشون"

https://upload.chjoy.com/uploads/16475461212071.jpg

فكبر شمشون وكان قوي جداً.
وإما كبر شوية حب واحدة من بنات الفلسطنيين,
فراح كلم مامته وباباه وقالهم : أنا عايز أتجوز البنت دي.
فقاله باباه: إنت قدامك كل البنات الإسرائيليات, ليه تتجوز فلسطينية؟
بس هو صمم علي البنت دي لأنه كان بيحبها.

https://upload.chjoy.com/uploads/164754622019971.jpg

فنزلوا علشان يجوزوهاله...
وفي حتة من الطريق كان شمشون لوحده..
.وفجأة ظهرله شبل أسد بيزمجر في وشه.
فمسكه شمشون وشقه نصين من غير ما يكون في إيده حاجة
, وخبي الموضوع عن مامته وباباه..

https://upload.chjoy.com/uploads/164754631983761.jpg

وكانوا الفلسطنيين دايماً بيضايقوه.
فساب مراته والفلسطنيين ورجع لبيت أهله.

https://upload.chjoy.com/uploads/164754635692221.jpg
لكن الفلسطنيين كانوا عايزين يأذوا شمشون بأي طريقة.
ففي مرة كان مستخبي في مدينة"يهوذا", فجه الفلسطنيين لأهل المدينة وقالولهم إدونا شمشون.
وعلشان الإسرائليين في الوقت ده كانوا ضعاف فراحوا لشمشون
وقالوله: ليه عملت فينا كدة؟! إنت عايز الفلسطنيين يموتونا؟
فرد شمشون وقالهم: سلموني ليهم.
ففعلاً ربطوه بالحبال وسلموه ليهم.
فحل عليه روح ربنا وبقي قوي , وقطع الحبال.

https://upload.chjoy.com/uploads/164754643227041.jpg

وإنتقم من الفلسطنيين اللي موجودين هناك.
وعرف يخلص منهم وبقي قاضي علي إسرائيل لمدة عشرين سنة.

https://upload.chjoy.com/uploads/164754648410531.jpg

لكن بعد كدة رجع شمشون تاني حب بنت فلسطينية
إسمها " دليلة"
فراح لها الفلسطنيين وقالولها إنتي لازم تعرفيلنا قوة شمشون جاية منين...
وهنديكي فلوس كتيرة جدا.

https://upload.chjoy.com/uploads/164754658846171.jpg

حاولت دليلة تسأل شمشون: إيه هي سر قوتك؟
لكن شمشون مكنش بيقولها.
ففضلت تتحايل عليه كتير لغاية ما قالها: شعري هو سر قوتي.

فإتفقت دليلة مع الفلسطنيين وللأسف جم لشمشون بليل وقصوله شعره
..وبكدة بقي من غير أي قوة.

https://upload.chjoy.com/uploads/164754669238321.jpg

فقبضوا عليه وحبسوه في السجن.
لكن شعره بدأ يطول حبة بحبة.

وفي مرة وهما عاملين حفلة ومبسوطين قالوا هنجيب شمشون قدامنا نتفرج عليه.
فوقفوه بين عمودين المعبد. وهما مش واخدين بالهم إن شعره كبر تاني.

https://upload.chjoy.com/uploads/164754676678241.jpg
وهو واقف بين العمودين طلب من ربنا وقاله: بارب ساعدني المرة دي كمان يارب.
وبكل قوته زق العمودين فوقع المعبد كله واتكسر.
وبكدة إنتقم من الفلسطنيين اللي أذوه.