منتدى الفرح المسيحى

https://upload.chjoy.com/uploads/164752781593711.jpg

صدقني ح تكتشف إن المشاكل أبسط مما نتخيل ، لدرجة انها ضحكت علينا بتفاهتها وخلتنا نشيل الهم و قعدت تضحك علينا من بعيد ..

احنا اللي كبرنا المواضيع زيادة عن اللزوم
، و الدنيا ما تستاهلش لا مناهدة ولا خناق ولاصراع ..

اللي عايز يسبقنا يتفضل ،
واللي عاوز يتكلم علينا ابقي اديله المايك،
واللي شايفنا وحشين براحته ، و مش ح نضيع معاه
و لا مع غيره وقت ندافع عن نفسنا ..

طلع ان القعدة علي الرصيف مع ناس بنحبها
و تحبنا أحلي مليون مرة من الف قصر ..

و خسارة ناس مالهاش اي لازمة في حياتنا ،
و عايشة تتسلي علينا و تؤذينا مكسب كبير ..

وطلغ اللي شاريين ودك مهما قلوا ، ابرك من اي زحمة كدابة ..

و اكل البيت مافيش اطعم منه ، و كفاية دفا الحبايب ..

والصحاب مش بالعدد لكن بالأصيل والمخلص منهم ..

وصاحبك الي اهلك قالوا لك عنه مش مرتاحين
ليه كان عندهم ألف حق ، و البنت او الولد اللي حذروك
من ارتباطك بيهم كانوا ح يتعسوك بقية عمرك ..

و طلعت الفلوس الكتير شقا، و البيوت الغالية هم
، و العربيات الفارهة قلق، و الغني همه اكتر من الفقير ، و في الاخر كله محصل بعضه ..

و طلع اللي بنجري وراه ياما ذلنا و اللي بييجي
لغاية عندنا ياما رفسناه و ما عرفناش قيمته ..

و اكتشفنا ان كل حاجة بتتحل في الأخر بس إحنا اللي طلعنا شايلين الهم ، و بنعيش عمرنا قلقانين، و متضايقين اننا قلقانين !!