منتدى الفرح المسيحى - احد التجربه (بلاش تستغل الفرصة ديه)

https://upload.chjoy.com/uploads/164729293764021.jpg

بعد ما السيد المسيح صام لمدة 40 يوم و40 ليلة
راح له الشيطان وقاله «إِنْ كُنْتَ ابْنَ اللهِ فَقُلْ
أَنْ تَصِيرَ هذِهِ الْحِجَارَةُ خُبْزًا». (مت 4: 3)..
ورغم إن المسيح كان يقدر يعمل كده،
ويستخدم سلطانه الإلهي ويحول الحجارة لخبز..
إلا إنه قرر إنه يتنازل عن حقه ولا إنه يمشي ورا كلام إبليس
لأنه لو كان عمل كده، كان هيبان إنه مطيع لكلمات الشيطان
الموقف ده بيعلمنا حاجة مهمة،
إن في أوقات كتير بيكون قدامنا فرصة في الحياة
إننا نستغل مكانتنا وسلطاننا علشان ناخد بيهم حقوقنا..
لكن مش دايماً بتكون النتيجة مرضية لينا،
خد بالك بالطريقة اللي بتاخد بيها حقك..
لأن ممكن بعد ما توصل للي أنت عاوزه
تكتشف أنك خسرت حاجات كتير..
في مرات هتختار بإرادتك إنك تتنازل عن حقوقك،
لأن في التنازل ده مكسب كبير ليك مش خسارة..
ربنا يدينا نعمة ومعونة وحكمة الوقت الجاي،
علشان نعرف امتى نطالب بحقوقنا ونتمسك بيها..
وامتى نتنازل عنها وإحنا عارفين
إننا اختارنا اختيار صحيح.