منتدى الفرح المسيحى - اجعل يارب نهايتي اكون ساجد

https://upload.chjoy.com/uploads/164638249002241.jpg

جربت تسجد وتعيط وبس
جربت تعاتبه وانت ساجد تصرخ وانت ساجد
جربت من كتر العياط وانت ساجد تحت رجله تنام
جربت تقوله وانت ساجد كفايا يارب
تعبت يارب
اسندني يارب
مش عارف احلها اذاي.مش عارف ارتاح اذاي.مش عارف اهدي اذاي
جربت تتحايل عليه انه يقومك مش من الارض بس يقومك من كسره النفس اللي محدش حاسسها
جربت وانت ساجد تصرخ وتقوله طب استرني طب عديلي طب اديني احتمال طب قويني
مش عارف ممكن تقوم من الساجده دي امتي بس نصيحه يوم ماتخلص سجود بالوجع ده ماتتوقعش ان ممكن حد يحس بيك او يبقي داري باللي جرالك وقتها
بس لازم تبقي جواك عارف ان وانت وشك ساجد في الارض ودموعك نزلت هو كان جنبك ايده علي ضهرك المحني
وبيقولك انا سامعك يا حبيبي طلع كل اللي جواك انا في ضهرك
اجعل يارب نهايتي اكون ساجد