منتدى الفرح المسيحى - صلي معانا ل أوكرانيا

صلي معانا ل أوكرانيا_وروسيا🤲

https://upload.chjoy.com/uploads/164573549138971.jpg

صرختنا ليك وحدك يا أبونا ..
طالبين سلامك يغطي المخاوف والعقول..
محتاجين أيدك تتدخل في المشهد..
أيدك توقف الدم .. ترحم الشعوب ..
وقف الموت والوجع والفقد..
اسند القلوب الموجوعة الخايفة..

بنصلي لأجل القيادات وكل واحد ليه منصب... اديهم الحكمة ..
احكم أنت المشهد يارب...
أنت كلي السلطان...
أنت كلي القوة وذراعك شديدة...
بنصلي لأجل وقف لخطوات إبليس والشر...
بنصلي لأجل كنيستك تفضل ثابتة وممكنة ومهدفة...
بنصلي تدي حياة حتى في وسط الحرب...
"إن قامت عليّ حرب ففي ذلك أنا مطمئن"...
بنصلي لأجل كل خبايا روحية بيحدفها إبليس علي أولادك وسط الحرب المادية ...
عارفين إن حربنا مش بس مع دم ولحم...
لكن بقوة دم صليبك تقف كل حرب روحية على البلاد...
بنتضرع ليك توقف الدم..
اسمع صراخنا واستجب...🤲💜

ردد الصلاة دي مرة تاني معانا..
خلي صرخة الصلاة تعلى فوق صراخ الموت..

صلاة
أوكرانيا #روسيا