لكل يوم زوّادة: شو أوّل شغلة بتفتحها الصّبح ؟

شو اوّل شغلة بتفتَحها الصّبح؟ هيدي حزّورة كتار بيجاوبو عليها بتَسرُّع و بيطلَع الجواب غلط، منن بيقولو باب الأوضة تا نطلَع لبرّا، منن بيقولو البرداية، منن بيقولو الشّباك، منن بيقولو التّلفون... بوقت الجواب المزبوط ابسط من هيك بِكتير! اوّل شي منفتَحو الصّبح هنّي عيوننا!
لازم بس نفتحُن كلّ يوم نشكر الله انو عطانا نعمة يوم جديد و نجرّب نكون عا قد هالمسؤولية اللّي حمّلنا ياها و نستعمِل هالنّهار الجديد لخدمتو و تا ندلّ كلّ شخص منلتِقي فيه عا ربّنا...
ما تنسو انتو و عم تشكروه تصلّبو ايدكن عا وجكن و تسلّموه نهاركن بكلّ لحظاتو و مواقفو و تقولولو: انت يا ربّ عطيتنا هاليوم انتَ ديرو و باركو و تصرّف فيه...نهاركن حلو مع يسوع