منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواضيع العامة المتنوعة (https://www.chjoy.com/vb/forumdisplay.php?f=155)
-   -   الصديق ذلك المحب الذي قال عنه الحكيم انه قد يكون (https://www.chjoy.com/vb/showthread.php?t=84362)

روشا الفرفوشه 15 - 09 - 2012 09:50 PM

الصديق ذلك المحب الذي قال عنه الحكيم انه قد يكون
 
الصديق ذلك المحب الذي قال عنه الحكيم انه قد يكون " الزق من الاخ "

و يالها من حقيقة مبهجة للنفس تلقي بضيائها علي مستقبلنا الاجتماعي . ان صديقي قد يكون اقرب الي من اخي . فهو من اخترته بنفسي لما وجدته منه و فيه .
فهو ليس كاخي الذي كثيراً ما يكون ابتلاء او علي حد تعبير المتدينيين " صليب اتكتب عليا "
ننطلق في الحياة كمستكشفين نبحث عن اراضٍ جديدة . تلك التي سننسي فيها خبرات الشقاء التي اكتسبناها في ارضنا الام . نتطلع لمكان نجد فيه العزاء و المساندة .
كل امالنا تتلخص في " صدر " حيث نتكئ و نستريح .
فنعتقد ان في الصديق حلاً لكل مشاكلنا . فهو من سيفهمنا و سيشعر بالامنا . من سنتشارك معه اعمق رغباتنا و مخاوفنا .
من سيقرأ صمتنا و يستمع لكلمات دموعنا . من ........................
( يمكنك اضافة احلامك و توقعاتك الخاصة فالقائمة لن تنتهي )

و نعيش علي ذلك الامل . ان نجد هذا الصديق . فلابد له ان يظهر . لابد ان يظهر ذلك الكائن الخرافي الذي سيصنع من اجلي المعجزات .

" اة انا بتريق علي فكرة "

بصراحة احنا عندنا مشكلة كبير في فهم الصداقة و حدودها و مسؤلياتها .
و معظمنا بيحط امال علي الصديق فوق الخيال . تحس كدة انها صفات مجمعة ل " اب و ام و اخ و اخت و حبيبة او حبيب و مرشد روحي و مصلح اجتماعي و .................... "
و بالتاكيد النتيجة ان عمر ما الشخصية الخرافية هتظهر و ان احنا هنتصاب بالاحباط علشان مش هنلاقي حد قريب حتي من توقعتنا .
و المشكلة ان حتي لو عندنا صاحب قريب بنبقي حاسين انه مقصر الي حد ما . دة مبيعملش دة المفروض دة دة ........
بجد بحس انه نظام " يا ايها الصديق كتب عليك الشقاء و العناء في محاولة اصلاح حياتي " مع اعتذاري لاخواتنا عن تقويل الاية j

انا يمكن متكلمتش عن معني الصداقة الحقيقي و حدودها و المتوقع منها . بس قلت علي الاقل ابتدي بالي مش متوقع منها .
فالصديق ليس الحل لكل شئ و هو غير مطالب بكل شئ .


مش عارف بقي هيتبع و لا لا علي حسب انتم حابيين و عندكم استعداد تشاركوا ولا لا
مش ههاتي مع نفسي انا

concord 15 - 09 - 2012 11:58 PM

رد: الصديق ذلك المحب الذي قال عنه الحكيم انه قد يكون
 
هههههههههههههههههه لا ياريت يتبع
بصى هو الصديق ده مش عبد احنا اشتريناه
بس الصح اننا نستنى منه الدفعة واحنا نكمل

روشا الفرفوشه 16 - 09 - 2012 12:09 AM

رد: الصديق ذلك المحب الذي قال عنه الحكيم انه قد يكون
 
ميرسى على مشاركتك الجميله

Mary Naeem 16 - 09 - 2012 06:16 AM

رد: الصديق ذلك المحب الذي قال عنه الحكيم انه قد يكون
 
شكرا على المشاركة
ربنا يفرح قلبك

روشا الفرفوشه 16 - 09 - 2012 07:58 AM

رد: الصديق ذلك المحب الذي قال عنه الحكيم انه قد يكون
 
ميرسى على مشاركتك الجميله


الساعة الآن 11:51 PM

Powered by vBulletin® Copyright ©2000 - 2025