منتدى الفرح المسيحى - عايز أكون زي النبي الناري🔥🔥

https://upload.chjoy.com/uploads/164422946804331.jpg

جباااااااااااااار ....
جباااااااار جباااااااااااار😲😲....
مش غريب اللي وقف قدام أنبياء البعل
ولا اللي قَومْ ابن الأرملة أنه يكون واثق
ويصلي أن السماء توقف مطر🌧️..
اللي اعتزل وعاش في الصحراء عشان يقرب من الله ..
اللي بارك لحسة زيت وحبة دقيق أكيد عارف بيعمل أيه كويس🤓..
أيه التصديق والإيمان القوي ده اللي يخليك متأكد من أن الله موجود وسامعك يا إيليا...
الحقيقة إن إيليا كان واقف في الحضور الإلهي طول الوقت...
هو (كائن قدام الله)🧍🏻‍♂️🧍🏻‍♂️🧍🏻‍♂️🧍🏻‍♂️..
التعامل بينه وبين الله كان سهل وفيه درجة عاااالية جداً
من الثقة زي ثقة الابن في أبوه😍😍..
عشرته معاه خليته مش مستني حضوره
لكن هو مختبر حضوره الدائم..
مصدق أنه جواه حي، وحواليه حي🙏🏻🙏🏻...
مش بيعافر عشان يحس روح الله.

عايز أكون زي النبي الناري🔥🔥..
كائن في حضرة الروح😇😇..
عايز أكون جالب حضور الله🙏🏻🙏🏻
عايز أكون زى الجبار بعِشرة الإله الحي.. إله إيليا💪🏻💪🏻..