منتدى الفرح المسيحى - انت تضئ سراجي

https://upload.chjoy.com/uploads/164231913398721.jpg

بيجي وقت تحس كدة إن كل حاجة حواليك ضلمت!
لأ مش كدة وبس. وقت كدة تحس إنك إنت نفسك انطفيت!
وكأن مبقاش في نور أو رجاء تاني لبكرة🥺

نفس الحالة دي مر بيها داود في مزمور ١٨ وفي المزمور ده الحقيقة كل كلمة بتعزيني وتشجعني، لو عندك وقت أشجعك تقراه أو تسمعه دلوقتي!
في نص المزمور ده يقول كدة:
لأنَّكَ أنتَ تُضيءُ سِراجي. الرَّبُّ إلهي يُنيرُ ظُلمَتي.”
**يعني لو حسيت إن سراجي انطفى.
لو خلاص مش حاسس بأي نور جوايا!
إنت وبس يارب تقدر ترجعلي نوري من تاني!
وحتى لو كنت في قلب الضلمة تقدر تنورني تاني!
داود هنا كان بيقول المزمور ده
بعد ما ربنا عدى بيه أصعب وقت ونجاه من إيدين
كل أعدائه ونجاه من شاول كمان!

صديقي لو ضلمتك طولت …هو يقدر ينورها
لو سراجك انطفى .. هو تاني وتالت وعاشر ينوره من تاني
لأنه ببساطة عنده نهاية للضلمة! وعنده دايماً نور 🥰💡