منتدى الفرح المسيحى - فيها حاجه حلوة

https://upload.chjoy.com/uploads/164198112252871.jpg

أوقات كتير في دواير كنايسنا ممكن تحصل مشكلة بين اتنين خدام أو خادم ومخدوم أو قسيس وخادم، وفى نهاية المشكلة حد من أطراف المشكلة بيقرر إنه مش هييجي الكنيسة تاني لأنه إتعثر من فلان…
ونعمل معاه كام محاولة وهو برضو مصمم إنه مش راجع الكنيسة تاني… ونقول إحنا خلاص عملنا اللي علينا مش هنتحايل عليه .

تعال فكر كدة بسبب الطريقة دي خسرنا ناس قد إيه شباب وخدام؟!
والناس دي معرفتش تنضم لكنيسة جديدة ولا جسد جديد وقعدت في بيتها من غير كنيسة.

النهاردة تعالى فكر مع نفسك وشوف حد معين ساب الكنيسة…
وتعالى أفتقده واسأل عليه وحاول معاه تاني إنه يرجع بيته وكنيسته وقوله إن الكنيسة مش الشخص اللي زعلك وبس
، الكنيسة لسة فيها حاجة حلوة. 😍