منتدى الفرح المسيحى - يا رب ادينا قلب زي قلب مريم🤍

https://upload.chjoy.com/uploads/164133333842261.jpg

تخيل معايا كدة الموقف ده!!
بنت بسيطة عذراء مخطوبة من عيلة بسيطة👩🏻،
يجيلها ملاك ويقولها: «سلامٌ لكِ أيَّتُها المُنعَمُ علَيها! الرَّبُّ معكِ
. مُبارَكَةٌ أنتِ في النِّساءِ».
يقول الكتاب: فلَمّا رأتهُ اضطَرَبَتْ مِنْ كلامِهِ
، وفَكَّرَتْ: «ما عَسَى أنْ تكونَ هذِهِ التَّحيَّةُ!»
هي مضطربتش من فكرة أنها شافت ملاك 😃
لأ… دي استغربت التحية🙈
فكمل كلامه معاها «هتكوني حامل»🤰
حاااامل 😲
يا خبر أبيض 😱
أنت عارف دي ممكن يحصل فيها إيه!!! أكيد عارف😨
وهي كمان كانت عارفه😇

اللي خلاني أندهش اكتر من رد فعلها إن الكتاب بيقول :
فقالَتْ مَريَمُ للمَلاكِ: «كيفَ يكونُ هذا وأنا لَستُ أعرِفُ رَجُلًا؟»
هي مرفضتش ولا اترعبت ولا قالتله «ايه اللي انت بتقوله ده!!»
لكن سألت «ازاي؟!»🤷‍♀️
وأعتقد رد الملاك مكنش مفهوم بالعقل البشري للآخر
بس ردها كان: «هوذا أنا أمَةُ الرَّبِّ. ليَكُنْ لي كقَوْلِكَ».🤲

أنا بتاعت ربنا اللي يقوله يكون🥰
إيه ده!!
إيه القلب ده!!
إيه الخضوع ده!!
يا ترى لو ربنا قالك أعمل حاجة شكلها غريب ..
شكلها بيهدد مستقبلك.. هتخضع؟!
يا رب ادينا قلب زي قلب مريم🤍