منتدى الفرح المسيحى - شغل المعلم لابنه

https://upload.chjoy.com/uploads/164094587420911.jpg

شغل المعلم لابنه

مثل يقال عن الواحد لما يعمل العمل بإتقان شديد لانه بيعمله لنفسه او لأولاده..
زي تعبير "حاجة رايحة لبيت اخوك " ، يعني تتعمل علي أكمل وجه !!

و في المعاملة مع الناس فيه نوعين :

الاول "يقلب" العمل المطلوب منه و يكروته و يعمله بدون أمانة و لا اتقان لانه ولا يهمه و لا يخصه .. لكن لما ييجى لنفسه او لأولاده او لحد يهمه أمره، يخرج فيه احسن ما عنده ..

و النوع التاني اللي بيتقن عمله بكل طاقته لكل حد و لأي حد ، لانه بيتعامل مع ربنا قبل الناس ..
ده النوع الأمين اللي عنده نية نقية : خَادِمِينَ بِنِيَّةٍ صَالِحَةٍ كَمَا لِلرَّبِّ، لَيْسَ لِلنَّاسِ. (أفسس ٦: ٧)

و يا سلام لو كنت من النوع الحلو ده ، تبقي سبب راحة و فرح و بركة للكل ..

اللي يعامل ربنا في الناس دايما كسبان و فرحان و في امان ..