لكل يوم زوّادة: يا طفل المغارة ما تحرم أيّا طفل من العيد

بيخبرو عن صبي زغير كتب رسالة لبابا نويل و حطّلو ياها تحت الشجرة بتقول: "قَلّي البابا انّو معك كورونا، سلامتك انشالله تكون مش موجوع كتير. ليش ما انتبهت و ما حطّيت كمّامة!؟ رح اشتقلك، هيدي اوّل سنة ما بتجي لعندي. انا قعدت كل الوقت شاطر و ما بدّي تروح عليّي الهديّة، معليش اذا ما قدرت تجي لعندي عا noel رح انطرك عا pâques جبلي معك بيضة بيسيكلات!"
هالزغير، اللي مش فهمان ليش ما رح يطلعلو هديّة السنة و بعد عندو امل تكون هديتو محفوظة لَو مأجّلة...هيدا مثل زغير عن كتار من اطفال لبنان السِنة. العيد السِنة مش متل قبل...العيد اللي كان مناسبة للفرح صار مصدر قلق و حزن لكتار، منصلّيلن يغمرن نور المسيح بالميلاد و منذكر كمان كل طفل مش قادر يعيّد لأي سبب من الآسباب (صحّي، مادّي،...) يا طفل المغارة ما تحرم أيّا طفل من العيد...