منتدى الفرح المسيحى - تعالى افرح واتشجع بحدث ميلاد المسيح

https://upload.chjoy.com/uploads/163992354507981.jpg

قليل أوي ما يكون في حدث
قادر يفرح كل الناس في كل العالم
ومن أي خَلفية وفي كل الظروف والأحوال..
والحدث العظيم المثالي دا اللي كان أصلا
وعد قديم أوي لشعب إسرائيل بمخلص
هو (حَدث ميلاد الرب يسوع)..
وعشان زمان كان فكرة ظهور ملاك من السماء لإنسان
في حد ذاتها فكرة مرعبة وتخوف..
فنلاقي الملاك اللي جه يبشر الرعاة بميلاد الرب يسوع
أول كلمة يقولها ليهم هي: "لا تخافوا".. متخافوش بالعكس،
دا أنا جاي أقولكم على خبر عظيم،
خبر هيكون سبب فرحكم وبهجتكم مش خوفكم..
علشان كدا لو لسه خايف من أي حاجة في العالم دا،
تعالى افرح واتشجع بحدث ميلاد المسيح
اللي من أكتر من 2000 سنة ولحد دلوقتي
لسه قادر يغير حياة كل اللي صدقوه وفرحوا بيه،
واتطرد بسببه كل خوف جواهم. ❤😍