منتدى الفرح المسيحى - قولتله مش هصلى

قولتله مش هصلى
*************

فى مره كنت مخنوقه
كلمته كتير وحاسه انه مش سامعنى
اكلمه ما اكلمه
...
وبرضوا مبيردش عليا

زعلت بس متأثرتش كتير
اصل انا كنت قررت التغيير
قولت هصلى واقرا الانجيل
وكمان اتكلم معاه كتير

هحاول ارضيه
ومزعلهوش منى
يعنى همشى صح

وفجأه كل حاجه تتلغبط
ده بس لما قررت اتغير
كأن كل حاجه حواليا بتقولى اعمل الغلط
سيب الصح واعمل الغلط
وكأن الظروف كمان عاوزة تجبرنى على كده

وقبل ما انام
وقفت وعاتبته
عاتبته معاتبه قاسيه اوى

قولتله
عملتلهم ايه انا
عشان يحاولوا يهدمونى
رد انت وقولى
طب انت ليه مش بدافع عنى
ليه مبتردش عليهم
ساكت ليه يارب
اتكلم
بص انا مش هتكلم بجد
وكمان مش هصلى
مش قادره اتكلم
انا تعبت
اتصرف بقى
انا صليت كتير كان ايه اتغير
وكأن كل حاجه بتتغير للأسوء
بجد انا زعلانه منك
بس متأكده انك هتتصرف

ونمت من غير ما اصلى
والصبح صحيت على مشكله اكبر
واعدت اعيط كتير
واعدت لتانى مه اعاتبه
يارب انت لليه بتعمل معايا كده

وفجأه على اخر النهار كل حاجه ااتغيرت
اتقلبت من شــر لخيـــــر
وكأنه عاوز يقولى اصبرى
مقاصد الله لا يعلمها سوى الله

دخلت جوة اوضتى وبكيت قدام صورته من الفرح وقولتله انا اسفه يا اجمل واحن اب
سامحنى