لكل يوم زوّادة: العيد السنة ما بيشبه اللي قبلو

يمكن هالسنة العيد ما يكون بيشبه اللي قبلو ابدا. في كتير اشيا كنّا نجيبها هالسنة ما رح نشتريها لأنها مش من الأولويّات، يمكن كِنّا نروح نزور الأهل و القرايب هالسنة ما رح نروح كرمال كورونا و كمان ما عم نروح الّا المشوار الضروري، يمكن كِنّا نشتري لكل ولد كتير هدايا هالسنة يمكن رح نكتفي بهديّة وحدة بسيطة، يمكن كِنّا نعيش اجواء العيد بس السنة مش كتير حاسّين فيه لأنّو عوايد كتيرة تغيّرت...
بس وحدو اللي باقي نفسو و ثابت ما بيتغيّر هوّي طفل العيد، يسوع المسيح! شو ما كانت الظروف جايي يسوع و قدّيش نحنا بحاجة لوجودو!...يا رب تعا بيوتنا و عيلنا و قلوبنا كلها صارت مغاور ناطرتك تولد فيها و تباركها...بميلادك الثمين خلّصنا أجمعين!