منتدى الفرح المسيحى - مشيلش اكتر من اللازم

https://upload.chjoy.com/uploads/16387217536511.jpg

تخيل في مرة قررت تروح السوق
وتشتري كل الحاجات اللي ناقصاك
وكمان اللي مش ناقصاك
وتشيل وتشيل أكتر من اللي تقدر عليه
هيحصل إيه لو قررت تكمل شايل؟
غالبا يا إما إيدك هتوجعك، أو ظهرك هيوجعك
أو لو مش قادر خالص بقى..
إحتمال تبدا تجرجر الحاجات على الأرض
حتى لو هيتبهدلوا !..
لكن تخيل برضوا معايا لو أنضم ليك شخص
يقسم معاك اللي شايله ويكمل معاك الطريق،
أتوقع الموضوع هيكون مختلف تماما،
مع فارق التشبيه طبعا..
دا اللي ربنا بيكون عايز يعمله معانا في وقت آلامنا،
بيكون عايز يشيل معانا، هو قال كدا ..
تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ،
وَأَنَا أُرِيحُكُمْ.(مت 11: 28).
علشان كدا لو عندك علاقة شخصية بالله،
عندك فرصة حقيقية تستمتع بمعونة الله
ورغبتة المٌُحبة انه يخفف عنك آلامك
ويشيل معاك احمالك. 😍