منتدى الفرح المسيحى

https://upload.chjoy.com/uploads/163822406649731.jpg
لو في واحد راح لأبوه في يوم وقاله..
عارف انا عايش معاك ليه؟
علشان أنا لو قعدت في الشارع مستقبلي هيضيع،
لكن أوعدك اول ما الاقي مكان احسن اعيش فيه
مش هحب اقعد معاك..
الحقيقة مع فرق التشبيه أوقات دا بيحصل
في علاقتنا بربنا.. بمعنى أننا بنعرفه ونعبده
علشان إحنا خايفين من المستقبل
وعايزينه يحمينا من الشر والمرض
والمجهول اللي ممكن ييجوا في المستقبل!
أشجعك تفحص بصدق الدافع الحقيقي
اللي جواك اللي مخليك في علاقة بربنا
او عايز تعمل علاقة معاه،
وأشجعك حقيقي تستمتع بعلاقة شخصية بالله
أكبر وابعد من مجرد خوفك من المستقبل،
علاقة هدفها الإستمتاع بشخصه
وساعتها نظرتك أنت للمستقبل هتتغير
وهتقدر تثق في أكتر وتتصرف بحكمة
حتى وقت الخوف. 😍👌